Naghatag sang panugyan ang Department of Education – Negros Island Region sa mga estudyante kasunod sa pagkansela sang klase bangod sa bagyo Nando.
Sa interview sang Bombo Radyo Bacolod kay Almyr Ceazar Dequinia, spokesperson sang DEPED- NIR, may yara sang learning matrix nga ginpadala sa mga estudyante kag gin-athag sini nga kanselado ang Face to Face class apang ang klase magapadayon sa gihapon.
Suno diri, may yara sang school calendar nga ginasunod kag sa tion nga may kanselasyon sang klase, may yara na sang napreparar nga module para sa mga bata.
May yara sang Alternative Learning Module kag Learning matrix nga ginapreparar para sa mga activities kag tulun-an sang mga bata.
Apang nagpanguyan man ini nga kun tani ang bata ang masabat sang iya module kag indi ang ginikanan agud mahibaluan kun ano na ang natun-an sang bata.
Pahayag ni Dequinia, sa tion nga may class suspension ginasiguro gid ang safety sang mga bata.
