Department of Education Region 6 director Ramir Uytico, nagpasalamat sa probinsya sang Negros Occidental sa maayo nga paghost sang WVRAA Meet

Ginkilala sang director sang Department of Education Region 6 ang paghost sang probinsya sang Negros Occidental sang Western Visayas Regional Athletics Association (WVRAA) Meet.

Suno kay Dr. Ramir Uytico, nalipay ini sa nangin resulta sang WVRAA Meet kag sa karun nagalaum ini nga makuha sang Region 6 ang korona sa Palarong Pambansa.

Suno diri, ini ang nangin resulta sang kooperasyon sang tanan sa pagpatiagyon sang WVRAA.

Pahayag ni Uytico, ang pag-host sang probinsya sang Negros Occidental ang sa karun para sa iya ang pinaka-the best nga hosting sang isa ka probinsya sang Western Visayas Regional Athletics Association Meet.

Samtang, ang Antique naman ang mangin masunod nga host sang WVRAA 2025.