Ginpahayag sang isa ka opisyal sa Department of Energy (DOE) ang long term policy directions nga maga-address sa sagunson nga senimana nga pagsaka sa presyo sang produktong petrolyo.
Suno kay DOE Undersecretary Gerardo Erguiza, nga iga-implementar sini ang government energy management program kun sa diin ang mga opiusina sa gobyerno ang kinahanglan nga magsave sang indi magnubo sa 10 porsyento sang enerhiya ukon balor P840 million kada tuig.
Suno kay Erquiza, una may-ara ang mga ini sang existing platform kun sa diin igamando ang pagtipid bangod sa pagtipid maganubo ang demand gani ang supply nga ginalagas ang indi na kinahanglan nga lagson kag may-ara na ang mga ini sa karun sang Energy Conservation and Efficiency Act of 2019.
Dugang pa sini nga sang damlag lang, ang departamento ang nag-issue sang advisory nga ginatawag government energy management program kun sa diin ang mga opisina sang gobyerno ang magasave sang 10 percent gikan sa ila mga equipments nga magadangat sa balor P840 million kada tuig ukon 24 megawatts.
Kabahin man sa ginamando nga isave amo ang energy, power kag fuel.
Nahibaluan nga ang mga oil firms sa Pilipinas ang nag-implementar sang
Martes sang rollback sa presyo sang gatong, apang ini ang kulang pa agud
nga ma-offset ang 11 ka semana nga sunod-sunod nga pagsaka sang presyo.
