Nagpasalig ang Department of Energy (DOE) nga supisyente ang supply sang kuryente sa tunga sang weekend holiday kadungan sang All Saints’ kag All Souls’ Day ukon Undas.
Suno sa ahensya, hugot ini nga nagapakig-angot sa power generation companies, National Grid Corporation of the Philippines (NGCP) kag distribution facilities kasubong man sa electric cooperatives agud mapabilin ang nagapadayon nga supply sang kuryente sa kabug-usan nga holiday period.
Nakalatag naman ang contingency measures agud marespondehan ang posible nga pagsaka sang demand sang kuryente ukon localized disruptions.
Magapalapta man ang NGCP kag distribution utilites sang technical personnel agud gilayon nga marespondehan ang anuman nga issue may kaangtanan sa supply sang kuryente.
