Department of Energy, preparado na kadungan sang pagsulod sang typhoon season

Kadungan sang pagsulod sang typhoon season, ginpasiguro sang Department of Energy ang preparasyon sini agud magresponder sa mga kalamidad.

Sa statement sang ahensya, ginhighlight sini ang commitment sang Task Force on Energy Resiliency nga handa nga magresponder sa mga epekto sang kalamidad.

Nalakip na diri ang nagapadayon nga pagfocus sang task force tubtob sa recovery phase.

Suno sa ahensya, nakahanda ang mga frontline workers nga gilayon nga magresponde kag ibalik ang nakompromiso nga energy facilities maskin diin man nga bahin sang pungsod.

Kadungan sini, ginhangkat man sang DOE ang kooperasyon sang tagsa-tagsa sa nasambit nga tiyempo agud makaangkon sang maayo nga rehabilitasyon, restoration kag recovery.