Ginpahayag sang officer in charge sang Negros Occidental-Provincial Environment and Natural Resources Office nga may yara na sila sang nabaton nga impormasyon sang plano para sa reclamation.
Sa interview sang Bombo Radyo Bacolod kay Joan Nathaniel Gerangaya nga madamo na sang proposals para sa reclamation sa baybayon sang Barangay Banago, Bacolod City apang ang opisina sang Department of Environment and Natural Resources sang application.
Suno kay Gerangaya, ang proseso sang reclamation ang una magaagi sa Local Government Unit agud magkuha sang Resolution of No Objection (RONO) kag ipasa sa Philippine Reclamation Authority (PRA) kalakip ang iban nga requirements, sa tion nga matapos na ang application sa PRA, iendorse ini sa DENR agud nga makakuha sang Environmental Compliance Certificate.
Suno diri, antes matigayon ang reclaimation activity nagakinahanglan man ini sang geological study.
Ginpahayag man ni Gerangaya nga required man sa nagaapply ang paghatag sang mixed and bounce sang proyekto agud matumod sang DENR ang suitability sini sa lugar.
Suno diri wala man sang problema ang pagpatigayon sang reclaimation activity sa syudad sang Bacolod bangud ini ang highly urbanized city kag ang isa sa nagapanguna diri nga proyekto nga mapatigayon ang port development kag dapat magaagi lang sa husto nga proseso.
