Department of Foreign Affairs, ginkondenar ang pag-atake sang Houthi rebels sa MV Tutor sa Red Sea

Ginakondenar sang Department of Foreign Affairs (DFA) ang pag-atake sa MV Tutor vessel sa Red Sea.

Ginpahayag ni Foreign Affairs Spokesperson Teresita Daza, ang pag-atake ang natabo sang Hunyo 12.

Suno kay Daza, himuon sang gobyerno sang Pilipinas ang nagakaigo nga tikang agud nga masiguro ang safety kag well-being sang Filipino crew nga nakasakay kag masiguro ang hustisya.

Nagapanawagan man ini sa tanan nga UN member states nga protektahan ang tawhanon nga kinamatarong sang mga seafarers.

Natalana pa nga kumpirmahon sang DFA kun pila ka mga Pilipino ang sakay sa barko.