Hugot nga ginamonitor sang Pilipinas ang sitwasyon sa Venezuela kasunod sang mga report nahanungod sa malapad nga operasyon sang militar nga ginpangunahan sang US forces.
Ini ang ginpahayag sang Department of Foreign Affairs (DFA).
Suno kay Foreign Affairs Spokesperson Angelica Escalona, ginapanawagan sang Pilipinas ang tanan nga panig nga resolbahon ang ila mga indi pag-inchindihanay sa mahilway nga paagi kag maglikaw sa mga tikang nga mahimo magapalala pa sang tensyon sa rehiyon.
Ini kasunod sang gin-anunsyar ni U.S. President Donald Trump nga nagpatigayon ang Estados Unidos sang isa ka “large-scale strike” batok sa Venezuela nga nagresulta sa pag-aresto kay Venezuelan President Nicolas Maduro kag sa iya asawa.
Samtang, ginpahanumdom sang Philippine Embassy sa Colombia, nga may hurisdiksiyon sa Venezuela, ang mga Pilipino nga yara didto nga magpabilin nga alerto kag hibaluon ang mga safety nga lugar nga mahimo nila pagtaguan kun maglala pa gid ang sitwasyon.
Base sa record sang DFA, may kabug-usan nga 74 ka Pilipino nga kasubong nagapuyo kag nagatrabaho sa Venezuela.
