Nakig-angot ang Department of Foreign Affairs sa mga overseas Filipino workers sa Lebanon natuhoy sa repatriation sa tunga sang nagasaka nga tensyon sa tunga sang Hezbollah kag Israel.
Ini matapos nagpanawagan ang Israel sa mga pumuluyo sa Southern Lebanon nga mag-evacuate matapos nagpalupad ang Iran sang masobra 180 ka mga ballistic missiles sa Israel sang Martes.
Ang Pilipinas ang nagpabutyag sang kahangawa natuhoy sa nagasaka nga tensyon sa Middle East nga ginmarkahan sang Israeli ground operations sa Lebanon.
Ginhangkat sini ang tanan nga partido nga likawan ang pagpasaka sang violence kag maghimo sang aktibo nga mga tikang agud malab-ot ang isa ka peaceful resolution.
Suno kay DFA Secretary Enrique Manalo, may yara na sila sang mga plano sa nagkalain-lain nga mga pungsod nga posible maapektuhan lakip na sa Lebanon.
Sa karun, nagahimo sang tikang ang Department of Migrant Workers agud ma-institute ang ila plano sa pagtuyo nga mapreparar ang mga arrangements para sa mga Filipino sa area in kaso nga sila ang na-evacuate ukon marepatriate.
Sa karun may yara sang masobra 11,000 ka mga Filipino nga nakabase sa Lebanon kun sa diin kalabanan ang nahamtang sa Beirut.
