Ginahulat nalang sa karun ang bidding sang dugang nga P200 million nagikan sa pondo sang Department of Health bilang suporta sa ginatukod nga Bacolod General Hospital, suno kay Bacolod City Lone District Congressman Greg Gasataya.
Suno Gasataya, nagapabilin ang commitment sang national government sa pagbulig sa pagpatukod kag pagsuporta sa mga hospitals sa syudad sang Bacolod.
Ginahulat nalang nila sa karun ang schedule sang bidding sang isa pa ka building sang Bacolod General Hospital kag ang pondo ang igadownload sang national government sa syudad sang Bacolod.
Suno kay Gasataya nagapadayon man sa karun ang pagtukod sang ancillary buildings sang nasambit nga pagatukuron nga hospital kasubong man ang land development.
Suno sa kongresista ang dugang nga pondo nagikan sa DPWH ang gamiton para sa pagtukod sang main building sang ospital.
Ginpahayag man sini nga may pila lamang sila sang ginkay o sa nauna nga plano sang ospital.
Suno pa diri indi naman pagibutang ang city health sa city hospital bangud suno sa DOH indi mahimo nga ibutang ang isa preventive measures kag curative measures sa isa ka building.
Butangan man sang access road sa city ospital agud nga malikawan ang traffic.
