Sa nagahilapit nga dry season sa Pilipinas, nagpakigbahin sang pila ka mga essential tips ang Department of Health (DOH) agud nga mabuligan ang publiko nga mangin hilway sa heat-related illnesses.
Sa press release, gintalakay ni DOH spokesperson Assistant Secretary Albert Domingo ang importansya sang proper ventilation kun yara sa sulod sang balay ukon iban pa nga indoor area.
Suno diri, importante man ang hydration gani nagpanugyan ini sa tanan nga mag-inom sang pito tubtob walo ka baso sang tubig kada adlaw agud malikawan ang heat cramps, heat exhaustion, kag heat stroke.
Nagpahanumdom man ang health official sa importansya sang regular break ukon “heat breaks” agud malikawan ang overheating.
Suno kay Domingo nga kun may yara sang indibidwal nga nagapakita nga may heat-related illness, gilayon ini nga dal-on sa cool kag shaded area.
Ginsuhestiyon man sini nga magbutang sang cold compress sa liog kag ilok kag pahalugan ang bayo agud mapanubo ang body temperature.
