-- ADVERTISEMENT --
Naghatag sang online counseling sessions ang Department of Health (DOH) sa kapin 60 ka mga Filipino sa Israel.
Ini bangud sang kinagamo sa tunga sang nasambit nga pungsod kag Iran.
Nakig-angot ang DOH sa mental health experts gikan sa Mariveles Mental Health and Wellness General Hospital agud magpatigayon sang psychological debriefing kag first aid para sa mga apektado nga overseas Filipino workers (OFWs).
Suno kay Health Secretary Teodoro Herbosa, ini ang ginhimo nila nga tikang agud ipabatyag sa mga Filipin nga wala sila nagaisahon kag may mga tawo nga nagaulikid sa ila.
Ginpanugyanan naman ni Herbosa ang mga nasambit nga OFWs nga padayon nga mag-aligmat kag maghalong.
-- ADVERTISEMENT --
