Wala sang may napilasan ukon nasamaran nga Filipino matapos nagpaulan sang missiles ang Iran sa Israel sang Martes suno sa Department of Migrant Workers.
Suno kay DMW Undersecretary Bernard Olalia, wala sang problema sa Israel bangud may yara sang ginatawag nga bomb shelters.// Dugang pa sini nga mangin sa Lebanon, wala man sang Filipino nga nahalitan.
Sang Martes, ginpahayag sang Israeli military nga nagsugod na ang tropa sang “targeted ground raids” sa sur nga bahin sang Lebanon, sa palibot sang northern border sang Israel.
Gin-untat naman sang DMW ang deployment sang mga Filipino nga trabahante sa Lebanon, nga ginpaidalum sa Alert Level 3 samtang nagapadayon ang pagbayluhanay sang atake sang Israel kag Hezbollah militans.
Sa karun nagapatigayon sang chartered flight ang gobyerno sang Pilipinas agud marepatriate ang kapin 300 ka mga Filipinos nagikan sa Lebanon.
