Kadungan sang ikawalo nga anibersaryo kahapon sang 2016 arbitral award nagikan sa Permanent Court of Arbitration nga nagapabor sa Pilipinas batok sa China, ginpahayag ni Department of National Defense Secretary Gilberto Teodoro nga sila ang magapadayon sa pagpaninguha agud maprotektahan ang teritoryo kag soberenya sang Pilipinas.
Suno kay Teodoro, ini agud masiguro nga ang Pilipinas ang makabenepisyo sa natural resources kag indi maskin ano nga pungsod sa idalum sang international law.
Suno diri, ang mga Filipino troops nga nastation sa BRP Sierra Madre, nga nagabantay sa West Philippine Sea, ang padayon nga naga-uyat sa 2016 arbitral award nga gin-affirm sang Permanent Court of Arbitration, nga nagahatag sang kinamatarong sa Pilipinas sa exclusive economic zone sini.
Nagalaom ang Department of National Defense sang padayon nga suporta sang mga Filipino sa pagpakigbato sang kinamatrong sang pungsod sa West Philippine Sea.
