Department of Public Works and Highways, may programa nga Lakbay Alalay nga nagabantay sa mga byahero tubtob sa pagtakop sang holiday season

Nagabantay kag naga-assist ang Department of Public Works and Highways sa idalum sang ila programa nga Lakbay Alalay.

Sa interview sang Bombo Radyo kay Pedro De Oca III, Construction and Maintenance Capataz, sila nag-umpisa sang Disyembre 24 tubtob Disyembre 26, 2023 agud magbantay para sa pagseleberar sang paskwa kag nagbalik sang Disyembre 31, 2023 tubtob Enero 2, 2024 agud magbantay naman para sa pagselebrar sang bag-ong tuig.

Suno diri, 24 oras ang ila nga pagbantay kag pag-assist.

Nangin matawhay naman ang ila pagbantay samtang wala man sang dalagko nga mga insidente nga nagluntad.

Sila naga-assist sa mga drayber inkaso nga may aksidente nga magluntad ukon sin-o man ang maaberya sa dalanon.