Nagapadayon ang operasyon sang Department of Social Services and Development (DSSD) sa pagpahalin sang mga bajao sa Bacolod City.
Suno kay City Administrator Atty. Pacifico Maghari, 20 ka mga empleyado sang DSSD ang gin-assign sa nagkalain-lain nga lokasyon sa ciudad nga ginatiniran sang mga bajao kag sa karun sila ang nagafocus sa Lopez Jaena, Libertad kag Lopues East.
Suno kay Maghari, kahapon, may mga bajao na nga ginpapauli kag may mga pila nga makasarang man nga magbakal sang ticket padulong sa Iloilo.
Suno sa iya, sa ginpatigayon nag operasyon sang Public Order and Safety Office (POSO) kahapon, sila ang nagpangayo sang assistance sa kapulisan bangud may mga resistance.
Wala man sini ginadula ang posibilidad nga may nagabulig kag nagaback-up sa ila kag ini ang paga-imbestigahan pa sang ciudad.
May mga report man nga may gina-istaran kag ginaarkilahan ang mga ini sa ciudad kag sila ang makasarang man nga magbayad.
Sa karun suno kay Maghari, ila pa ginalantaw ang overall policy nga mapatuman bangud may yara man sang Task Force nga naga-implementar sang Anti Mendicancy agud masolbar na ang problema sa mga bajao.
Suno sa iya, sila ang masabad sa business community kasubong man sa publiko ilabi na kun agresibo ang mga ini.
