Nakapagwa na sang memorandum ang Department of Education, Division of Bacolod City nga nagahatag sang otoridad ang mga school heads ukon principal sa pagsuspend sang face-to-face classes sa tion sang 33 degrees celcius nga heat index.
Sa interview sang Bombo Radyo Bacolod kay Lila Vaflor Arro, spokesperson sang DepEd Division of Bacolod City, sang tinalikdan nga Marso 1, 2024 ginpagwa sang division ang memorandum para sa localized suspension sang face-to-face classes.
Suno kay Arro, ang ginsuspend amo ang modality lamang sang pagtudlo kag indi ang klase kaangay lamang sa tion nga magsuspend sang face-to-face classes, mahimo makapatuman ang eskwelahan sang online class, modular instruction ukon kombinasyon sang duha.
Dugang pa ni Arro, may mga buluthuan nga nagaklase sa aga apang modular na pagkahapon bangud sa tuman ka init nga panahon.
Ginpahayag ni Arro, ginlimitahan man ang outdoor activities sa mga buluthuan magluwas kun aga ini nga ginapatiyon ukon indi pa tuman ka init ang temperatura.
May na record ang Division of Bacolod City sang isa ka kaso sang estudyante nga na sunggo sa Bata Elementary School apang ini ang antes pa man nagpatuman sang class suspension ang alkalde.
Suno kay Arro, isa lang ang narecord sang DepEd Division of Bacolod City nga nagsuprer sang pagkasunggo kag wala naman sang nagrekord pa.
