Ginpahanugutan sang Civil Service Commission (CSC) ang Department of Education (DepEd) nga mag-hire sang 10,000 ka non-licensed school counselors agud masabat ang kakulang sang guidance counselors sa pungsod.
Igadesignar bilang School Counselor Associate I ang mga bag-o nga mga posisyon nga mahimo pun-an sang mga nakatapos sang psychology, behavioral science, ukon guidance and counseling apisar wala pa sang PRC license basta maka 200 oras nga training.
Suno kay Education Secretary Sonny Angara, ini ang kabahin sang pagpatuman sang RA 12080 ukon Basic Education Mental Health and Well-Being Promotion Act nga may katuyuan nga pabaskugon ang mental health support sa mga eskwelahan.
Napreparar na ang P2 billion nga pondo apang na-delay ang implementasyon bangud sa ginahulat nga guidelines halin sa CSC kag Department of Budget and Management (DBM).
Ginalauman nga maga-umpisa ang una nga batch sang mga counselor associates subong nga tuig.
