Strikto nga igamonitor sang Department of Education Negros Island Region (DEPED NIR) kun paano gamiton ang nabaton nga tig-P1million sang 46 ka mga farm schools.
Suno kay DepEd NIR Director Ramir Uytico,CESO III, nagpatigayon sila sang orientation kag nag-issue sang Memorandom of Agreement (MOA) antes ginrelease ang P1million sa tagsa ka mga farm schools.
Ginpaathag ni Uytico yara sa guidelines nga ang pondo ang dapat pagagamiton sa training related purposes kaangay sang mga ingredients kag butang nga maggamit sa pagdisplay sa Farm School Fiesta bangud ini ang kabahin sa training.
Suno diri, ang pondo ang indi pwede nga gamiton sa gwa na sang programa kaangay sang pagbakal sang machine kag pagpatukod sang classroom ukon building.
Ginpasalig ni Uytico nga strikto nga igamonitor sang DepEd NIR kun paano i-implementar sang farm school ang pondo agud masiguro nga ang kwarta ang magkadto gid sa dapat pagakadtuan kag wala sang ma-usik nga kwarta sang gobyerno.
