Ginbuksan sang Department of Education ang online public consultation para sa revised Senior High School (SHS) curriculum sa idalum sang basic education program nga natalana nga pagasuguran sa School Year 2025-2026.
Ang DepEd ang nagshare sang isa ka 26-page consultation packet sang mas ginpakusog nga programa para sa Grades 11 kag 12, nga sarang nga ma-access online humalin Abril 4 tubtob Abril 11, 2025.
Gin-imbita sang ahensya ang publiko nga ipakigbahin ang feedback sini natuhoy sa revised SHS curriculum nga ginpaidalum sang isa ka review sa sulod sang pila ka tuig agud makahatag sang mas epektibo kag responsive nga edukasyon para sa mga Filipino nga kabataan.
Una na nga ginpahayag ni Education Secretary Sonny Angara nga ang phased implementation sang revised SHS curriculum para sa senior high school ang natalana nga magsugod sa S.Y. 2025-2026.
