Ginkompirmar sang tagpamaba sang Department of Education-Division of Negros Occidental nga wala sila sang nabaton nga dalagko nga mga issues sa sulod sang isa ka semana nga pagpatigayon sang modular learning kaangay sang mga ginapakita sa national news.
Sa interview sang Bombo Radyo Bacolod kay Ian Arnold Arnaez, ginpahayag sini nga wala sila sang report nga nabaton nga mga reports nga may mga sala sa module.
Bukas man ang komunikasyon sang maestra gani sarang gid nga makapalab-ot sang concern ang mga estudyanate sa indi mahangpan nga mga pamangkot.
Sarang man nga makapaabulig sa iban nga mga kakilala kun indi makasarang magtudlo ang mga ginikanan.
Wala man sang issue sa internet connection bangud kalabanan printed modules ang ginagamit.
Sa mga webinars naman wala ginapilit ang estudyante makigbahin.
Ginaplanuhan man sang DepEd Negros Occidental Division ang padayon nga paghatag sang psychological first aid agud nga magihayahan ang mga estudyante sa pagpabilin nga maayo ang mental health sang estudyante apisar nga isa lang kasemana ini dapat patigayunon santo DepEd Calendar Year.
