Marso 30 kag 31 lamang ang petsa sang graduation ceremonies nga gintalana sa Department of Education division of Negros Occidental.
Sa interview sang Bombo Radyo Bacolod kay DepEd Negros Occidental Spokesperson Ian Arnold Arnaez, bangod may iban nga eskwelahan nga wala na sang klase sini nga semana, iban ang nagpatigayon na sang ila nga recognition ceremony.
Pahanumdom sini nga madugay na ang ‘no collection policy’ sang DepEd angot sa graduation.
Suno kay Arnaez, ang mga graduation expenses ang covered na sa maintenance and other operating expenses (MOOE) sang kada eskwelahan.
Suno diri, sa MOOE, may ara nga natalana nga budget para sa kada estudyante.
Samtang ginpahayag man sini nga ang pagsuksok sang mga toga ang nakadepende na sa kun ano ang ginkasugtan sang mga ginikanan sa ginpatigayon nga meeting.
Apang mas ginapakamaayo kun ang mismo nga uniform nalang ang gamiton sa pagmartsa sa graduation rites.
