-- ADVERTISEMENT --
Naghatag sang pahanumdom ang Department of Education – Negros Island Region angot sa pagselebrar sang Christmas party sa mga buluthuan.
Sa interview sang Bombo Radyo Bacolod kay DepEd-NIR Spokesperson Almyr Ceazar Dequiña, dapat simple lang apang meaningful ang pagselebrar sang Christmas party.
Suno diri, dapat ipatuman gid ang no collection policy kag dapat voluntary ang gift giving.
Suno pa diri, bisan ang mga Christmas decoration dapat recycled lamang kag dapat wala sang patigayonon nga Christmas party sa gwa sang school premises.
Pahayag ni Dequiña, ang holiday break sang mga estudyante maumpisa sa Disyembre 20, 2025 kag ang klase maresume sa Enero 5, 2026.
-- ADVERTISEMENT --
