Preparado na ang Department of Education-Negros Island Region sa pagbukas sang klase para sa School Year 2026-2027.
As of June 4, sa DepEd Quick Count nagdangat na sa 443,884 ang enrolled nga mga estudyante.
Sa interview kay DepED NIR spokesperson Almyr Caezar Dequiña, magasugod na Lunes, Hunyo 8 kag ginapahanumduman ang tanan nga estudyante nga dapat present bangud ang mga eskwelahan ang nakahanda na matapos ang ginpatigayon nga isa ka semana nga Brigada Eskwela.
Ginalantaw man nga sa madason nga semana mahibaluan kun pila gid ang tanan na-enroll nga mga estudyante.
Ginpahayag man ni Dequiña nga subong nga school year pagaumpisahan naman ang 3 terms school calendar.
Suno pa diri, indi man required nga mag complete school uniform apang dapat tandaan sang mga estudyante nga may yara sang dress code nga dapat sundon.
