Nagpasalig si Department of Education Region 6 Director, Dr. Ramir Uytico nga mabawi ang Western Visayas sa Palarong Pambansa 2024 agud makuha ang kampyonato.
Sa interview sang Bombo Radyo kay Uytico, humalin sang tuig 2014 tubtob 2019 nga palarong pambansa, yara lamang sa second place ang Western Visayas, apang sa karun, nakuha sini ang first place kasunod sa champion nga National Capital Region.
Suno diri, dako ini nga pasidungog para sa Region 6.
Nagpasalig man ini nga mabawi ang Western Visayas nga sa karun nakakuha na ini sang eksperyensya nga ila magamit agud makuha ang championship.
Nakita man sini nga nag-enjoy ang mga kabataan sa pag-compete.
Nangin manami ang eksperyensya sang Region 6 sa palarong pambansa suno kay Uytico, ini apisar sa mainulanon nga tiyempo.
Dako ang pagpasalamat sini sa mga athletes, coaches, ginikanan kag Local Government Units sa pagbuligay agud makuha ang first runner up sa palarong pambansa 2023.
