Gin-athag sang spokesperson sang Department of Education Region 6 nga indi required ang pagsuksok sang mga estudyante sang school uniform sa tion nga magtambong sa klase, kundi ginapahanugutan ang pagsuksok sang desente nga bayo.
Sa interview sang Bombo Radyo Bacolod kay Hernani Escullar, Jr., ginamandu sang DepEd order nga indi mandatory ang school uniform apang may yara sang proper school attire nga ginalakipan sang polo shirt ukon T-shirt nga may sleeves, any plain color, kag long ukon short pants kag any footwear para sa mga lalaki; samtang dress, skirt and blouse or blouse and pants sang anuman nga color, kag any footwear para sa mga babayi.
Ginadiscourage naman ang pagsuksok sang bata sang expensive designer brands, flashy clothes, tight-fitting pants, blouses and dresses, with plunging neckline kag hiphop pants.
Suno kay Escullar, indi required ang school uniform sa bilog nga school year, apang yara na sa discretion sang mga ginikanan kun patahian sini ang iya bata sang school uniform.
Nagadepende naman sa eskwelahan ang haircut ang mga lalaki, apang ginapromote sang DepEd ang physical hygiene kag proper decorum.
Kadungan sini, nagpanawagan si Escullar nga magtambong gid sa first day of class kag first flag-raising ceremony bangud diri ginaanunsyar ang mga rules and guidelines sang mga eskwelahan.
Ginaamat-amat naman sa karon ang pagbalik sa pre-pandemic school calendar.
