Ginahulat na lamang ang motu proprio complaint sang Department of Education Regional Office angot sa kaso sang gina-alegar nga pagpanghimulos sang isa ka manunudlo sa Grade 10 student sa ciudad sang Bacolod.
Sa interview sang Bombo Radyo kay Atty. Jubert Katalbas, legal officer sang DEPED Division of Bacolod City, Marso 18 sang ginpadala sang ginikanan sang 15 anyos nga dalagita ang complaint batok sa maestro sa division office.
Marso 19 sang ginapagwa ang memo sa pagtransfer sa manunudlo kag Marso 21 sang ini ang ginsaylo sa iban nga division.
Apang, Marso 25 sang nagpatawag sang query meeting nga gintambongan sang ginikanan sang bata, school principal kag guidance councilor, kun sa diin ginpresenta sang ginikanan ang ebidensya.
Kag sa masunod nga adlaw, ginpadala ang incident report sa regional office.
Suno kay Katalbas, kun mag-abot na ang kopya sang motoproprio complaint gikan sa regional office, may yara sang itukod nga investigation Committee para mag-imbestiga sa gina-alegar nga pagpanghimulos.
Sa tion naman nga may yara na sang recommendation sang investigation committee, mahimo na nga maka-issue ang DEPED regional office sang formal charge batok sa manunudlo, apang ini ang bahin sang administartive case nga ipasaka sa manunudlo samtang ang pamilya naman ang desidido nga magpasaka sang criminal case.
