-- ADVERTISEMENT --
Nagmando si Department of Education Secretary Sonny Angara sa mga regional kag division offices ang madasig kag epektibo nga pagrecruit sa 16,000 nga bag-o nga mga manunudlo nga kinahanglanon para sa pagbukas sang School Year 2025-2026.
Suno sa DepEd, makabulig ang una nga 16,000 teaching positions nga nahimo sa pag-apruba sang Department of Budget and Management (DBM) agud mabuhinan ang ginutok sa mga buluthuan kag mapamag-an ang trabaho sang mga manunudlo sa mga public schools sa pungsod.
Tinutuyo man sini nga marespondehan ang kakulang sa mga manunudlo nga may nagakadapat nga specialization partikular na sa kindergarten, elementary kag subject-specific areas sa junior kag senior high school.
