May yara na sang deployment ang Bacolod Traffic Authority Office para sa paggutok sang trapiko sa dalanon sang ciudad sang Bacolod sa karun nga yuletide season.
Sa interview sang Bombo Radyo kay BTAO head Patrick Leonard Lacson, nagapanguna nila sa karun nga objective amo ang pag-guide sa mga nagabyahe sa ciudad ilabi na kun alas- 4:30 sang hapon tubtob alas- 7:30 sang gab-i.
Suno diri, sa pagbug-at sang trapiko indi na applicable pa ang paggamit sang traffic lights amo nga ginapatay na lang ini kag traffic enforcers na lang ang ginabutang para magdereher sang trapiko.
May yara man sang deployment sa dalan sang exit kag entrance sang mga mall.
Pahayag ni Lacson, ginhatagan sang memorandum ang BTAO nga wala sang day off kag indi pwede mag-absent sa trabaho tubtob as Enero 2, 2024.
May yara pa man sang mga dalanon sa Bacolod nga ginatun-an pa kun ano ang maayo nga solusyon sa trapiko nga dapat may kooperasyon sang mga pumuluyo kag stakeholders nga yara sa area.
Pahanumdom ni Lacson, kun ano man ang layi sa dalanon dapat ini nga sundon agud malikawan ang argumento.
