Gin-athag ni Police Major Junji Liba, pinuno sang Bacolod Traffic Authority Office, nga indi pa final nga puti ang uniporme sang mga traffic enforcer nga nagaserbe sa idalom sang administrasyon ni Bacolod City Mayor Alfredo Benitez.
Ini ang kadungan man sang sentimyento sang iban nga motorista nga indi kitaon ang mga traffic enforcer bangud puti ang ila uniporme, apang may yara man sang reflectorized vest.
Sa interview sang Bombo Radyo kay Liba, nagsumiter na ini sang design sang uniporme sang tinalikdan nga semana.
Suno diri, duha ka uniform design ang iya ginpasa bangud lain ang gamiton kun Lunes, Miyerkules, Biyernes kag Domingo samtang lain naman ang gamiton kun Martes, Huwebes kag Sabado.
Suno kay Liba, indi particular si Mayor Alfredo Benitez sa political color kundi nagpanugyan lang ini nga mahimo sang desinyo.
Suno diri, mas maayo gid kun masiri ang color sang uniform agud makita gilayon ang traffic enforcer kag indi magblend sa mga salakyan sa dalan.
