Ginpahayag sang political analyst nga magadepende sa ruling sang Korte Suprema kun mapasa sa 20th Congress ang impeachment complaints batok kay Vice President Sara Duterte.
Sa interview sang Bombo Radyo Bacolod kay Atty Jomax Ortiz, indi na dapat pag padalman ang mga technicalities nga nagapalala lamang sa diskusyon angot sa topiko.
Apang gin-athag sini nga ang pagremand ukon pagpabalik sang articles of impeachment sa House of Representative ang wala nagakahulugan nga ini ang gindismiss.
Paathag ni Ortiz nga wala gingrant ang motion for dismissal ni Senator Ronald “Bato” Delarosa.
Sila ang nagapangayo lamang sang klaripikasyon sa House nga pamatuod nga nasunod sang mga ini ang due process sa pagfile.
Ini ang magabalik man sa Senado, apang indi gihapon matalakay gilayon bangod hulaton pa ang pagsabat ni VP Sara sa gindagdag nga summon sa sulod sang 10 ka adlaw.
Matapos sini, hatagan pa sang 10 ka adlaw agud magsabat si VP Sara.
Samtang may dugang naman nga lima ka adlaw para sa pagpreparar sang Senado gani ginalantaw sini nga makahulag ang impeachment matapos ang tanan ang matapos Hunyo 26 kag pila ka adlaw na lamang ang nabilin antes magsaylo sa 20th Congrees.
Ang desisyon kun madayun ukom indi ang trial ang magadepende na sa Korte Suprema.
Si Atty Israelity Torreon, legal counsel sang mga Duterte, ang nagfile na sang motion sa Korte Suprema angot sa desisyon kun sarang macross-over ang impeachment sa 20th Congress.
Kun maga-issue sang Temporary Restraining Order (TRO) ang Korte Suprema, indi mapadayun ang trial, samtang ini ang ginatun-an pa.
Apang samtang wala pa sang desisyon ang Korte Suprema, wala sang mahimo ang Senado kundi ipadayun ang trial.
Samtang wala paman sang maathag nga sabat kun mapadayun ang motion to dismiss ni Senator Bato bangod ini ang wala nakapagkit sa konstitusyon.// Nagapati si Ortiz nga kinahanglan pa sang panibag-o nga ruling tuhoy sa isyu.
Samtang kun indi pahanugutan nga makacross-over, isa ka tuig pa ang hulaton agud liwat makafile sang impeachment complaint.
