Ginpahayag sang kilala nga abogado nga kun ano man ang desisyon ukon pahayag sang lead defense lawyer ni former President Rodrigo Duterte kun ano ang kondisyon sang anay presidente kag kun kasarang ini mag-atubang sa trial batok sa iya.
Kahapon, nagpagwa sang statement ang Office of the Vice President (VP) nga nasapwan ang iya amay nga unconscious sa salog sa iya kwarto sa Detention Center sa International Criminal Court sa The Hague, Netherlands.
Sa statement sang Office of the Vice President (VP), wala sila gilayon napahibalo angot sa insidente kag wala man sang pahayag ang otoridad sang ICC angot diri.
Gin-criticize ni VP Sara ang ICC sa padayon nga pagpreso sa iya amay kag nanawagan sang “humanitarian consideration” kag insakto nga pag-atipan sa anay presidente.
Sa interview sang Bombo Radyo kay Atty Jomax Ortiz, ginpostpone ni Nicholas Kaufman, lead defense lawyer ni Duterte, ang Confirmation of Charges nga patigayonon kun tani sang Setyembre 23.
Suno diri, kun ano man ang desisyon sang abogado amo ang patihan sang ICC sang sa kun ano man ang ihambal sang pamilya sang akusado.
Dugang pa ni Ortiz, kun natigayon ang Confirmation of Charges didto man madiskusyonan ang interim release ni Duterte apang ang balasolon diri sa postponement amo si Atty Kaufman.
