Ginahulat karon ang desisyon sang pamilya sang walo ka tuig nga bata nga napatay matapos nabugguan sang ambulansiya sa highway sang Brgy. Rizal, ciudad sang Silay sang Disyembre 24 sang gab-i.
Sa interview sang Bombo Radyo Bacolod kay Police Major Rhea Sarah Villanueva, Deputy Chief of Police sang Silay City Police Station, nagluntad ang insidente sang aksidente nga nabungguan sang ambulansya nga ginamaneho ni Mark Anthony Rubi nga may dala nga 50/50 nga pasyente halin sa Teresita Jalandoni Provincial Hospital ang nagabiyahe padulong sa ciudad sang Bacolod ang walo ka tuig nga bata nga hinali lamang nagtabok.
Suno kay Villanueva, gintinguhaan pa sang driver nga makapreno apang nabungguan gid sini ang bata.
Suno diri, ang bata ang gindala sa ospital sa ciudad sang Bacolod agud nga madapatan sang pagbulong apang ginpahibalo sila sang December 25 nga ang bata ang gindulaan gid sang kabuhi.
Suno kay Villanue, ginbuligan man sang pamunuan sang Teresita Jalandoni Provincial Hospital ang bata kag nakaestoryahanay na ang legal team sang nasambit nga ospital kag ang pamilya sang biktima apang wala pa sang final nga nakasugtan.
Nagapabilin sa karun sa custodiya sang Silay City Police Station ang driver sang ambulansya.
