Ginahulat pa ang desisyon sang sectoral office para sa traffic enforcer sa Bacolod City nga navideohan nga may ginabatun gikan sa isa ka truck driver.
Sa interview sang Bombo Radyo Bacolod kay Bacolod Traffic and Transport Management Department officer-in-charge Patrick Leonard Lacson, natumod na kun sin-o ang traffic enforcer.
Suno diri, sa karun ginpaidalom sa restrictive duty ang traffic enforcer kag nagpasa na ini sang explanation letter sa sectoral office.
Samtang sila sa BTTMD ang nagpadala man sang rekomendasyon apang nahibaluan man nga ang traffic enforcer ang madamo sang bayolasyon samtang nagatrabaho.
Aminado man ini nga iya naintindihan kun may idaho nga sigarilyo, ukon tubig ukon dulce man apang kun mavideohan kag mapalapta sa social medua may yara gid ini sang konsekwensya nga mabudlay nga mapamatud-an.
Pahayag ni Lacson, iya ginapangabay nga mangin warning na ini sa tanan kag tandaan nga magpakita sang delikadesa sa pag-obra.
