DFA, nagamonitor sa mga Filipino sa Russia matapos ang magnitude 8.8 nga linog nga nagtrigger sang tsunami

Ginpahayag sang Department of Foreign Affairs nga padayon sini nga ginamonitor ang sitwasyon sang mga Filipino sa nagkalain-lain nga mga pungsod pagkatapos sang pagtay-og sang magnitude 8.8 nga linog sa Russia nga nagtrigger sang tsunami warnings sa palibot sang Pacific Ocean.

Suno kay DFA Assistant Secretary Robert Ferrer, wala sang may nareport nga Filipino nga napilasan ukon napatay sa insidente.

Apang ginhangkat sini ang mga Filipino sa apektado nga mga pungsod nga mamati kag magsunod sa mga advisories sang mga opisyales sang Philippine Embassy agud masiguro ang ila kaluwasan.

Suno sa ahensya, may yara sila sang contingency plans kag may yara sang hotline kag masami nga ginaistorya sang mga embassies ang mga Filipino community.