DFA, nanindugan nga wala sang salabton ang Pilipinas sa pagbunggu-anay sang duha ka Chinese vessels sa West Philippine Sea

Gin-athag sang Department of Foreign Affairs nga wala sang salabton ang Pilipinas sa pagbungguanay sang duha ka Chinese vessels sa Bajo de Masinloc sa West Philippine Sea.

Suno kay DFA Secretary Maria Theresa Lazaro, apisar nga indi nangin manami ang natabo, wala sang kahilabtanan diri ang Pilipinas kag ini ang resulta sang delikado nga tikang sang duha ka Chinese vessels.

Nagsugod ang insidente sang ginlagas sang China Coast Guard kag Chinese warship ang barko sang Philippine Coast Guard nga BRP Suluan samtang nagapatigayon sang maritime mission sa teritoryo sang pungsod.

Una na nga ginpahayag ni President Ferdinand Marcos Jr. nga indi mag-isol ang Pilipinas sa pagprotekta sa maritime domain kag sovereign rights sini sa West Philippine Sea.