Ginlunsyar sang Department of Information and Communications Technology (DICT) ang madasig nga pagbalik sang komunikasyon ilabi na sa tion sang kalamidad sa bulig sang mga telecommunications company.
Suno kay DICT Undersecretary Christina Faye Condez-de Sagon, nag-umpisa sila sa Cebu sang nagluntad ang linog.
Suno kay De Sagon nga ang nangin lima nalang kaadlaw ang sadto isa ka bulan nga pagbalik sang komukasyon sa tion nga magluntad ang kalamidad.
Dugang pa sang DICT Undersecretary nga mas malikawan ang pagdamo sang casualties kun madasig ang pagbalik sang linya sang komunikasyon sa tion nga magaluntad ang kalamidad.
Bangud sini, gintinguhaan sang ahensya nga mapadasig sa bulig sang mga telecommunications company ang pagbalik sang linya sang komunikasyon.
Suno diri dapat makay-o na sang mga telcommunications company ang ila nga mga communication towers sa mas madali nga tion kasunod sang paglaslas sang kalamidad.
Suno pa kay De Sagon, nahimo na nila ang madasig nga pagpabalik sang linya sang komunikasyon sa pila ka mga lugar nga may nagluntad nga kalamidad sa bulig sang telcommunications company kag nagalaom ini nga magadapadayon.
