Naghatag sang pahanumdom ang Department of the Interior and Local Government (DILG)- Bacolod sa mga barangay officials angot sa Barangay and Sangguniang Kabataan Elections nga patigayonon sa Disyembre.
Suno kay DILG-Bacolod Director Christian Nagaynay, maumpisa sa Hulyo 1 tubtob 11 ang filing sang application para sa registration sang voters kag application para sa membership sa Katipunan ng Kabataan.
Sa Oktubre 1 tubtob 7 naman ang filing sang Certificate of Candidacy.
Oktubre 27 tubtob Disyembre 31 ang election period samtang sa Nobyembre 20 tubtob 29 naman ang campaign period.
Natalana naman sa Disyembre 1 ang election day humalin alas- 7:00 sang aga tubtob alas- 3:00 sang hapon.
Suno kay Nagaynay, ginapahanumdom sini sa mga brgy officials nga indi pa sa karun ang tion para magpangampanya kag mas maayo nga gamiton ang nabilin nga tion sang ila termino sa pagtuman sang ila mga promisa sa mga pumuluyo.
Dugang pa sini, indi dapat paglipatan sang mga officials ang ila trabaho sa pagserbisyo sa pumuluyo kag pagsunod sa mga polisiya para sa eleksyon.
