Nagpahumdom ang direktor sang Department of the Interior and Local Government (DILG)- Bacolod sa mga Brgy Officials nga indi pagpabay-an ang trabaho para lang mag-upod sa pagpangampanya sa ginasuportahan nga kandidato.
Suno kay Christian Nagaynay, ginapahanumdom sini sa mga Punong Barangay, Sangguniang Kabataan officials kag Brgy officials nga dapat unahon ang obligasyon sa Brgy apisar sa pag-intra sa pagpangampanya.
Suno diri, dapat may tawo gid ang brgy hall para magpadangat sang serbisyo nga kinahanglan sang tawo.
Dugang pa sini, indi man pwede gamiton ang government resources sa pagpangampanya bangod ini ang para lang sa official use.
Pahayag ni Nagaynay, indi pagkalipatan ang probisyon sang Election Omnibus Code kag ang recent COMELEC resolution.
