Ginkumpirmar ni Executive Assistant to the Mayor Butch Soliguen nga magapatigayon sang final evaluation sa Pebrero 23 kag 24 ang Department of the Interior and Local Governmment tuhoy sa compliance sa road clearing operations.
Sa interview sang Bombo Radyo kay Soliguen, ginpahayag sini nga bangud sa COVID-19 pandemic, imbes nga magagikan sa DILG Region 6 ang validation team, ang DILG-Negros Occidental nalang ang ma-evaluate sa Bacolod City kag ang ciudad naman sa compliance sang probinsya.
Suno sa iya, ila pagalantawon kun mamintinar ang 87% compliance sang ciudad sang tinalikdan kag ini ang magadepende sa magapatigayon sang evaluation.
Suno diri, kalabanan sa mga concerns sa road clearing amo ang illegal parking nga mga structures nga nagabalik-balik apisar nga nauna na nga nasaway.
Ila sa karun ginatutukan ang Central Market, Libertad Market kag Burgos Public Market samtang ang mga barangay naman ang nagarekta na report sa DILG.
