Padayon ang kampanya sang Department of the Interior and Local Government sa good governance.
Suno kay DILG Region 6 Director Juan Jovian Ingeniero, kadungan sang election sang Barangay kag Sangguniang Kabataan sa bulan sang Oktubre, magapagwa ang nasambit nga ahensya sang memorandum para sa guidelines sa nasambit nga kampanya apang kinahanglan nila anay hulaton ang tikang nga pagahimuon sang Commission on Elections (COMELEC) antes ang mga ini maghimo sang tikang.
Suno kay Ingeniero, ginapreparahan nila sa karun ang mga modules nga ihatag sa mga SK officials para sa ila nga assumption samtang sa barangay officials naman, magapatigayon sila sang training pagkatapos sang election.
Ginalantaw sang DILG sa karun ang pagpatigayon sang smooth transitions sang mga elected officials para sa Barangay kag Sangguniang Kabataan pagkatapos sang election, bangud nagalikaw lamang sila nga may yara sang magapungko nga barangay official nga wala na sang mga gamit ang barangay bangud gindala ini sang mga anay nagpungko nga official.
Magatukod man ang DILG sang transition team agud nga maggiya sa tanan nga elected officials.
