Mangin mahinalungon ang Department of the Interior and Local Government sa paggasto sang P279 billion nga budget sang ahensya para sa 2025 suno kay Secretary Juanito Victor “Jonvic” Remulla.
Ang DILG ang may ikaapat nga pinakamataas nga budget allocation sa idalum sang P6.326 trillion national budget para sa 2025.
Suno kay Remulla, ila ginapalab-ot ang pagpasalamat kay President Ferdinand Marcos Jr. bangud sa iya suporta sa ila mandato nga maghatag sang excellence sa local governance, magpromote sang kalinong kag katawhay, kag ma-enhance ang public safety para sa pagdevelop sang resilient kag inclusive nga mga komunidad.
Suno diri, sila ang nagapasalig sa Presidente, sa Kongreso kasubong man sa publiko sang ila commitment agud ma-utilize ang ila budget sang maayo bilang paghatag sang suporta sa agenda sang administrasyon para sa prosperidad paagi sa paghatag sang mga kinahanglanon kag aspirations sang mga Filipino.
