Nagpanawagan si Department of the Interior and Local Government (DILG) Secretary Jonvic Remulla sa mga local government units nga hugot nga i-implementar ang mga regulasyon natuhoy sa fireworks kag firecrackers sa preparasyon sang New Year’s Eve celebrations agud maminimize ang firecracker-related injuries.
Suno sa DILG, ang mga LGUs ang dapat magrestrict sang paggamit sang firecrackers sa community fireworks displays nga nakasecure sang nagakaigo nga permits kag magpatigayon sang public awareness campaigns sa mga halit sang prohibited fireworks.
Ginmanduan man sang ahensya ang Bureau of Fire Protection (BFP) nga masiguro nga nagasunod ang designated fireworks display zones sa Republic Act No. 9514 ukon mas kilala bilang Fire Code of the Philippines.
Ginmanduan man ang Philippine National Police nga dakpon kag gub-on ang illegal firecrackers agud indi na maggamit.
Ginhangkat sang DILG ang publiko nga likawan ang pagbakal sang illegal ukon hazardous fireworks.
