-- ADVERTISEMENT --
Kumpiyansa ang Department of the Interior and Local Government (DILG) nga malayo nga matabo sa Pilipinas ang bayolente nga rally protest kaangay sang nagakatabo sa Nepal kag Indonesia may kaangtanan sa mga issue sang korapsyon.
Suno kay DILG Secretary Jonvic Remulla, apisar nga preparado ang gobyerno sa anuman nga scenaryo, indi batasan sang mga Filipino ang mangguba ukon magsunog sang mga buildings sa tunga sang protesta.
Kaangot sini, nagpatawag na sang command conference ang DILG agud ipreparar ang mga contingency plans in kaso nga makaangkon sang malapad nga protesta batok sa korapsyon kasunod sang mga nagakatabo sa iban nga pungsod.
