Nanindugan ang sa karun nga tiglikom sang Department of Interior and Local Government nga si Secretary Juanito ‘Jonvic’ Remulla nga wala sang dako nga pagbag-o sa serbisyo nagikan sa Philippine National Police.
Suno diri, makasiguro ang publiko nga magapadayon sa gihapon ang mga programa sang PNP sa mga responsibilidad kag trabaho sini nga mapabilin ang order, safety kag kalinong sa pungsod.
Ini kasunod sang pagkahukas sa pwesto ni former Philippine National Police Chief Police General Nicolas Torre III nga gin-anunsyar sini kahapon.
Suno kay Remulla, apisar nga may yara sang pagbag-o sa liderato, ginalauman sa gihapon nila nga padayunon ni Philippine National Police Officer-in-charge Police Lieutenant General Jose Melencio Nartatez Jr. ang naumpisahan sang iya ginbuslan.
Gani magapadayon ang paglunsyar sang unified 911 hotline sang gobyerno, 5-minute rule response sang kapulisan kag iban pa nga programa.
