Ginklaro sang actor-host nga si Dingdong Dantes nga “false’ ukon wala sang kamatuoran ang isa ka post nga nagapahayag nga nagkomento siya parte sa pagpapili ni Vice President Sara Duterte sa pagkapresidente sa2028 elections.
Makita sa post nga may profile name nga Amy Imperial Ugay nga naghambal ang actor nga “makahaladlok kun magdaog si VP Sara bangud makita niya sa iya ang kaisog, kaalam kag ikasarang sa pagpanguna kaangay sang iya amay.”
Apang gilayon ini nga ginpanginwala sang actor kag ginpahayag sa iya caption nga wala gid siya naghambal sang amo nga mga tinaga.
Gin-delete naman sang nag-upload ang iya post kag nangayo sang pasaylo sa actor matapos ini naglapta man sa iban nga mga online platform.
Gin-ako man sang nagpost nga sala ang iya gin-ubra kag makahuluya apang ginpahayag sini nga mas makahuluya ang mangin kawatan.
