Ginhatagan sang tribute sang aktor nga si Dingdong Dantes ang mga iloy kag ang ila kapasidad nga magpalangga sa ila pamilya sa iya advanced Mother’s Day message kun sa diin ginpahayag sini nga yara sa ila ang iya boto.
Ang video message ang ginalakipan sang appearances nagikan sa pamilya ni Dantes, ang iya asawa kag co-star nga si Marian Rivera kag ila duha ka mga kabataan kasubong man ang iya iloy nga si Angeline.
Suno diri, maisog ang mga iloy, handa magbato kag wala sang may ginasukuan bangud pinasahe ang ila mga pagpalangga.
Gintawag man sini ang mga iloy nga “miracle workers.”
Gin-emphasized ni Dantes ang abilidad sang mga iloy nga magpabilin nga mapag-on apisar sang mga pagpanghangkat kag makahatag sang inspirasyon kag kaayo sa iban.
Nagpangabay man ini sa tanan nga iselebrar ang mga iloy bangud sila ang matuod-tuod nga dalayawon.
Gintapos sang aktor ang iya mensahe paagi sa paghambal nga ginahatag sini sa mga iloy ang iya pagdayaw, pagserbisyo kag iya nga boto.
Si Dantes kag Rivera ang wala naman sang pormal nga endorsement sang isa ka kandidato sa 2022 elections.
