Dinosena nga mga persona ang nagkalamatay kag napilasan sa isa ka Israeli strike sa isa ka balay sa Jabalia sa northern Gaza Strip sang Domingo.
Dinosena nga mga bangkay nga naputos sa habol kag nagahamyangon sa duta sa isa ka ospital.
Suno sa mga residente, ang building ang naigo ang ginaistaran sang indi magnubo 30 ka mga persona.
Suno sa Hamas, 32 ka mga persona ang nagkalamatay samtang wala naman sang immediate confirmation sang tally nagikan sa health ministry sang teritoryo.
Suno sa Israeli military, gin-igo sini ang isa ka site sa Jabalia kun sa diin naga-operate ang mga terorista.
Suno sa IDF, ang mga terorista ang nagtuga sang pagpamahog sa tropa nga naga-operar sa area.
Gin-akusahan sang militar ang Hamas sa pag-exploit sang mga sibilyan kag mga propedad para sa military purposes, isa ka kaso nga ginapanginwala sang militante nga grupo.
