BACOLOD CITY – Nagakanugon ang Diocese of Bacolod sa pagbawi ni Presidente Rodrigo Duterte sang peace talks sa CPP-NPA-NDF.
Suno kay Father Felix Pasquin, rector sang San Sebastian Cathedral, maayo na kuntani nga nasuguran na ang paghinambalanay agud mahatagan na sang solusyon ang dinikada na kunflikto sa tunga sang gobyerno kag sang makawala nga grupo.
Suno kay Father Pasquin, ang pag sulod sa peace talks naga kinahanglan sang malawig nga pasensiya sang mga negosyador.
Gindugang pa sini nga indi personal nga problema ang ginamo sa pungsod sa tunga sang gobyerno kag rebelde nga grupo kundi problema social nga naga kinahanglan sang malawig nga pasensiya agud nga masulbar.
Nagakahangawa ang simbahan nga sa pagbawi ni Presidente Duterte sang peace talks magabalik naman ang Pilipinas sa maduguon nga giyera sa pag linagsanay sang mag timbang nga bahin sa isa kag isa.
