Ginaklaro lamang sang Diocese of Bacolod nga indi kabahin sa Roman Catholic Church ang nagapakilala nga si Rev. Fr. Mario D. Divina nga nagapakilala nga missionary priest sang Chaplaincy of the Holy Trinity sa Bago City.
Sa interview sang Bombo Radyo Bacolod kay Fr. Dominic Derramas, Judicial of Vicar sang Diocese of Bacolod, ang statement nga ginpagwa sang Obispo ang nagapahibalo lamang nga ang natungdan ang indi pari sang katoliko, apang indi paman mahambal nga ini ang peke bangod ini ang mahimo pari sang Aglipay ukon iban nga sekta.
Ini ang ginpagwa matapos nga may pila ka indibidwal nga nagdangop sa Diocese of Bacolod kag nagpakita sang mga dokumento kaangay sang baptismal kag marriage certificate, apang wala naman sang pari nga nagahingalan nga Rev. Fr. Mario D. Divina sa Diocese of Bacolod.
Paathag ni Fr. Derramas nga antes makapatigayon sang misa, sakramento ukon pagpabunyag, ang pari ang nagapangayo sang pahanugot sa obispo.
Apang mahimo nga pari sa iban nga relihiyon ang natungdan, gani panugyan sini nga tsekyaron sang mga ginkasal ukon nagpabunyag sa Aglipay kun ila miyembro si Divina.
Panawagan sini sa mga luyag magbatun sang sakramento, magpakasal ukon magpabunyag nga magdangop gid anay sa simbahan.
